Dagsetning:
10. janúar 2024
Norrænar vinnustofur í París og Mílanó
Skráningarfrestur er til 10. janúar
Íslandsstofa skipuleggur norrænar vinnustofur í París og Mílanó dagana 19. og 21. mars. Á vinnustofunum gefst fyrirtækjum tækifæri til að kynna sig og koma á viðskiptasamböndum við ferðaþjónustuaðila á staðnum.
Vinnustofan í París er skipulögð í samstarfi við Visit Denmark, Visit Finland og Visit Norway.
Vinnustofan í Mílanó skipulögð í samstarfi við Visit Denmark, Visit Finland, Visit Norway og Visit Sweden.
Ákall hefur verið innan ferðaþjónustunnar um að bjóða vinnustofur í tveim löndum samtímis og nýta ferðalög betur. Þau fyrrtæki sem sækja báðar vinnustofurnar ganga því fyrir, en við skoðum einnig samhliða þá sem kjósa aðra vinnustofuna sökum hagsmuna.
Fyrirkomulag:
19. mars – París
20. mars – ferðadagur
21. mars – Mílanó
Verð:
Verð fyrir þátttöku í vinnustofunni í París er að hámarki EUR 1.500 og verð fyrir þátttöku í vinnustofunni í Mílanó er að hámarki EUR 1.920.
Innifalið í þátttökugjaldi er:
Fundarborð
Upplýsingar um franska og ítalska ferðaþjónustuaðila sem skrá sig til þátttöku í vinnustofunum.
Veitingar á meðan vinnustofum stendur.
Athugið að þátttakendur sjá sjálfir um að bóka flug og gistingu og að sá kostnaður er ekki innifalinn í verði vinnustofanna. Gert er ráð fyrir að hópurinn ferðist saman á milli borganna.
Skráning:
Áhugasamir um þátttöku eru beðnir um að fylla út skráningarformið hér að neðan fyrir 10. janúar nk. Athugið að skráning er bindandi.
Nánari upplýsingar veitir Hrafnhildur Þórisdóttir, hrafnhildur@islandsstofa.is