Dagsetning:
1. nóvember 2022
Nordic US Food Summit
Fjárfestaráðstefna í San Francisco 1.- 4. nóvember.
Íslandsstofa kynnir í samstarfi við Business Sweden fjárfestaráðstefnuna Nordic-Us Food Summit sem haldin verður í San Francisco dagana 1.- 4. nóvember nk. Við hvetjum sérstaklega fyrirtæki sem eru með starfsemi í Bandaríkjunum til að taka þátt.
Ráðstefnan er tilvalinn vettvangur fyrir fyrirtæki í matvæla- og matartæknigeiranum sem vilja komast í samband við bandaríska fjárfesta og efla alþjóðlegt tengslanet. Sjálfbærni er þema ráðstefnunnar og rík áhersla er lögð á að þátttakendur hafi með einhverjum hætti jákvæð áhrif á sjálfbærni í matvælakerfinu.
Á ráðstefnunni gefst 20 fyrirtækjum frá Norðurlöndunum kostur á að vera með fjárfestakynningar og mun nefnd skipuð fjárfestum velja þau úr hópi umsækjenda. Sótt er um þátttöku á vefsíðu Nordic Food Innovation Summit.
Þátttökugjald er USD 2.000. Innifalið í gjaldi er þjálfun í fjárfestingapitchi (e. hnitmiðaðri sölukynningu) hjá fagmanni á vefnum og námskeið í ýmsum lagalegum atriðum og áhættustýringu sem haldið verður í október.
Áhugasamir um þátttöku eru beðnir um að hafa samband við Tinnu Hrund Birgisdóttur, tinna@islandsstofa.is eða Kristin Björnsson kristinnb@islandsstofa.is, en þau veita jafnframt allar frekari upplýsingar.
