Dagsetning:
11. maí 2022
Staður:
Tókýó
Tegund:
Ráðstefna
Útflutningsgrein:
Matvæli og náttúruafurðir
Nordic Health Summit
Íslenskum fyrirtækjum á sviði heilbrigðis- og lífvísinda býðst að taka þátt í norrænu heilbrigðisráðstefnunni Nordic Health Summit Japan.
Íslandsstofa og Norræna nýsköpunarhúsið í Tókýó bjóða íslenskum fyrirtækjum á sviði heilbrigðis- og lífvísinda að taka þátt í norrænu heilbrigðisráðstefnunni Nordic Health Summit Japan, þeim að kostnaðarlausu. Ráðstefnan fer fram dagana 11.-13. maí í Tókýó en einnig verður hægt að sækja hana rafrænt. Þetta er tilvalið tækifæri fyrir íslensk fyrirtæki til að tengjast japönskum hagaðilum
Miðvikudaginn 11. maí fer fram kynningarfundur í sendiráði Svíþjóðar í Japan þar sem fyrirtækjunum gefst kostur á að kynnast japönsku heilbrigðisumhverfi, norrænni heilbrigðistækni og fjármögnunartækifærum. Dagana 12. og 13. maí fara fram tengslamyndunarviðburðir, en þeir verða alfarið á fjarfundaformi. Þar geta fyrirtækin kynnt vörur sínar og þjónustu fyrir japönskum fyrirtækjum, fjárfestum og frumkvöðlum.
Skráningarfrestur rennur út 10. maí nk.
Nánari upplýsingar og skráningu má finna á vefsíðu verkefnisins
Frekari upplýsingar veita:
Ágúst Sigurðarson, agust@islandsstofa.is
Jarþrúður Ásmundsdóttir, jarthrudur@islandsstofa.is
Halldór Elís Ólafsson, halldor.olafsson@utn.is
