26/4/2022

Íslensk saltfiskveisla samhliða sjávarútvegssýningunni í Barcelona

Ljósmynd

Tuttugu og sjö íslensk fyrirtæki eru stödd á sjávarútvegsýningunni í Barcelona til að hitta kaupendur og mynda ný viðskiptatengsl.

Rúmlega 100 veitingastaðir í Katalóníu-héraði á Spáni munu kynna íslenskan saltfisk undir slagorðinu Tellem el Bacallá (Katalónska: Smakkaðu saltfiskinn), og bjóða upp á saltfisk frá Íslandi á matseðli sínum næsta mánuð.

Kynningin, sem er samstarf milli markaðsverkefnisins Bacalao de Islandia, Estrella Damm bjórframleiðandans og Félags saltfiskútvatnara á Spáni, hefst í dag og stendur til 5. júní. Þetta er í fimmta skipti sem þessir aðilar taka saman höndum um að kynna íslenskan saltfisk á Spáni, en kynningin í ár er þó sú veigamesta sem ráðist hefur verið í til þessa, en aldrei hafa fleiri veitingastaðir tekið þátt.

rich text image

Kynningin fer fram samhliða upphafi stórrar alþjóðlega sjávarútvegs- og sjávarútvegstæknisýningar fer fram í Barcelona. Alls eru 27 íslensk fyrirtæki stödd á sýningunni að þessu sinni til þess að hitta kaupendur og mynda ný viðskiptatengsl. Alls eru um 26.000 manns sem sækja sýninguna, þarf af um 15.000 kaupendur.

Þetta er í fyrsta skipti í þrjú ár sem þessi sýning fer fram vegna heimsfaraldusins og í fyrsta skipti sem hún er haldin í Barcelona. Sama sýning hefur fram til þessa farið fram í Brussel og verið árviss viðburður á meðal margra fyrirtækja í sjávarútvegi og sjávarútvegstækni.

Með í för á sýningunni er Einar Björn Árnason, yfirmatreiðslumaður á veitingastaðnum Einsi Kaldi í Vestmannaeyjum sem töfrar fram fiskrétti fyrir gesti sýningarinnar en tekur einnig á móti nemendum úr hinum virta CETT matreiðsluskóla í Barcelona. Þá heimsótti Unnur Orradóttir Ramette, sendiherra Íslands á Spáni sýningarsvæðið í dag og kynnti sér starfsemi íslensku fyrirtækjanna á svæðinu.

rich text image

Íslandsstofa skipuleggur þátttöku íslensku fyrirtækjanna á sýningunni undir merkjum Seafood from Iceland og Seatech by Iceland, ásamt því að reka markaðsverkefnið Bacalao de Islandia.

Björgvin Björgvinsson, fagstjóri sjávarútvegs hjá Íslandsstofu: „Það er mikil stemming í hópi íslenskra sýnenda og augljóst að fólk gleðst yfir því að geta hitt fólk á ný í eigin persónu eftir langt hlé. Það er stöðug ös af fólki á íslensku sýningarsvæðin og mikill áhugi á þeim vörum sem íslendingar eru að kynna hérna.“

/

Sjá allar fréttir
Frétta mynd

13/5/2022

Samningur um Film in Iceland endurnýjaður
Frétta mynd

7/5/2022

Starf forstöðumanns Grænvangs laust til umsóknar
Frétta mynd

4/5/2022

Kynningartækifæri fyrir íslensk fyrirtæki í Tívolí á 17. júní
Frétta mynd

3/5/2022

Íslensk vaxtarfyrirtæki hyggjast ráða 800 erlenda sérfræðinga

Business Iceland

Gróska

Bjargargata 1, 102 Reykjavík - 4. floor

Telephone +354 511 4000

About Business Iceland

Employees

Persónuverndarstefna

Jafnréttisstefna

Sjálfbærnistefna

Framtíðarstefna

Samstarf um verðlaun

Þjónusta

Útflutningsþjónusta

Heimstorgið

Erlendar fjárfestingar

Markaðsverkefni

Sýningar

Allur réttur áskilinn