Vinnustofur fimm landa í Belgíu og Hollandi

Íslandsstofa stendur fyrir vinnustofum í Belgíu og Hollandi dagana 9. og 10. nóvember 2021, í samstarfi við Visit Faroe Islands, Visit Greenland, Visit Finland og Visit Estonia. Fyrri vinnustofan verður haldin í Brussel 9. nóvember og seinni vinnustofan fer fram í Amsterdam 10. nóvember. Á vinnustofunum verða löndin fimm kynnt sem ferðaáfangastaðir.  

Á vinnustofunum gefst íslenskum fyrirtækjum í ferðaþjónustu gott tækifæri til að kynna sig og koma á viðskiptasamböndum við belgíska og hollenska ferðaþjónustuaðila. 

Nánari upplýsingar veitir Karen Möller Sívertsen, karen@islandsstofa.is. 

---