Vinnustofur á Norðurlöndunum

Íslandsstofa stendur fyrir vinnustofum á Norðurlöndunum dagana 28. febrúar - 2. mars 2023, í samvinnu við Visit Greenland og Visit Faroe Islands. Á vinnustofunum gefst fyrirtækjum tækifæri til að kynna sig og koma á viðskiptasamböndum við ferðaþjónustuaðila á staðnum.

Fjöldi söluaðila er takmarkaður við 10 fyrirtæki frá hverju landi. Gert er ráð fyrir að hópurinn gisti og ferðist saman. Vinnustofurnar verða haldnar í þessum þremur borgum: 

• 28. febrúar - Osló

• 1. mars - Stokkhólmur

• 2. mars - Kaupmannahöfn

Verð:

Verð fyrir þátttöku er að hámarki 5.000 DKK á fyrirtæki fyrir allar vinnustofurnar og getur hvert fyrirtæki sent tvo starfsmenn. 

Innifalið í þátttökugjaldi er:

• Fundarborð

• Upplýsingar um ferðaþjónustuaðila sem skrá sig til þátttöku 

• Veitingar á meðan vinnustofum stendur

Athugið að ferðakostnaður er ekki innifalinn í verði.

Skráning:

Áhugasamir um þátttöku eru beðnir um að fylla út skráningarformið hér að neðan fyrir 25. janúar nk. Athugið að skráning er bindandi.  

Nánari upplýsingar veitir Þorleifur Þór Jónsson, thorleifur@islandsstofa.is