Dagsetning:
15. janúar 2024
Viðskiptadagur Þýsk-íslenska viðskiptaráðsins í München
Viðskipti og handbolti
Þátttakendur geta sameinað viðskipti og handbolta dagana 15. og 16. janúar 2024 í München.
Þýsk-íslenska viðskiptaráðið mun standa fyrir viðskiptadegi í München mánudaginn 15. janúar 2024. Á dagskrá ferðarinnar eru heimsóknir í áhugaverð fyrirtæki, m.a. BMW og Frischeparadies, auk þess sem þátttakendur munu fá kynningu á stöðu efnahagsmála í Þýskalandi og heyra reynslusögur íslenskra fyrirtækja sem hafa haslað sér völl í München.
Um er að ræða frábært tækifæri til að kynnast þessum mikilvæga markaði sem telur um 83 milljónir neytenda. Þá er dagsetningin valin með EM í handbolta í huga og gefst þátttakendum kostur á að kaupa VIP miða á leik Íslands og Ungverjalands sem fram fer að kvöldi þriðjudagsins 16. janúar.
Þátttökugjald er sem hér segir:
70.000 kr. fyrir þátttöku í viðskiptadeginum 15. janúar án miða á leik Íslands og Ungverjalands (innifalið: hádegisverður, kvöldverður, akstur sem tekur mið af dagskránni)
eða
120.000 kr. fyrir þátttöku í viðskiptadeginum 15. janúar með VIP miða á leik Íslands og Ungverjalands 16. janúar (innifalið: hádegisverður, kvöldverður, akstur sem tekur mið af dagskránni og VIP miði)
Athugið að viðskiptadagurinn er fyrir félaga í Þýsk-íslenska viðskiptaráðinu en hægt er gerast félagi á vef ráðsins.
