10. september 2021

Fagstjóri útflutningsþjónustu óskast

Íslandsstofa leitar að kraftmiklum einstaklingi í nýtt starf fagstjóra útflutningsþjónustu.

Íslandsstofa leitar að kraftmiklum einstaklingi í nýtt starf fagstjóra útflutningsþjónustu. Starfið felst í að þróa og skipuleggja þjónustuþætti Íslandsstofu við íslensk fyrirtæki í útflutningi í samræmi við útflutningsstefnu Íslands.

Við leitum að skapandi og drífandi starfsmanni sem er tilbúinn að takast á við fjölbreytt og krefjandi verkefni á alþjóðlegum vettvangi. Mikilvægt er að hafa reynslu af alþjóðlegri markaðssetningu.

Fagstjóri útflutningsþjónustu vinnur þvert á atvinnugreinar og allar áherslur Útflutnings- og fjárfestingasviðs og heyrir undir forstöðumann sviðsins. Fagstjóri ber ábyrgð á þjónustuleiðum fyrir fyrirtæki og þróar þjónustuframboðið í samstarfi við svið Viðskiptaþróunar.

Umsóknarfrestur er til 20. september. Nánari upplýsingar og umsóknir má finna á vef Alfreð.is 


Sjá allar fréttir