Ísland stefnir að kolefnishlutleysi árið 2040. Íslendingar nýta nú þegar endurnýjanlega orkugjafa til rafmagnsframleiðslu og húshitunar. Ein stærsta áskorun samtímans eru orkuskipti í samgöngum.

Grænvangur leiðir saman íslensk fyrirtæki og stjórnvöld í aðgerðum sem miða að því að flýta orkuskiptum í samgöngum til að Ísland nái metnaðarfullu markmiði sínu í loftslagsmálum.

Þegar kemur að því að stíga fyrstu skrefin í átt að umhverfis- og loftslagsvænni rekstri er mikilvægt að forgangsraða eftir því hvað fyrirtæki getur raunverulega gert og viðhaldið. Á heimasíðu Grænvangs má finna heilræði, upplýsingar og sérstakar reiknivélar fyrir íslensk fyrirtæki sem stefna að kolefnishlutleysi.