Framundan er málþing um erlenda beina fjárfestingu í London, þann 19. september.
Út er komin áfangaskýrsla Ísland – allt árið fyrir veturinn 2012 – 2013. Í skýrslunni er hægt að kynna sér þær markaðsaðgerðir og áherslur sem framkvæmdar voru veturinn 2012 – 2013 og þau áhrif sem þær höfðu á íslenska ferðaþjónustu.
Í maí 2012 réð Íslandsstofa, með styrk frá verkefni um eflingu græna hagkerfisins, alþjóðlega ráðgjafafyrirtækið PKF til að kortleggja stöðu íslenskrar ferðaþjónustu í heild (master mapping) og skoða tækifæri og þörf á beinum erlendum fjárfestingum í greininni.
Fjárfestingarvaktin, starfshópur sem skipaður var af iðnaðarráðherra í febrúar 2012 skilaði í dag tillögum til Ragnheiðar Elínar Árnadóttur iðnaðar- og viðskiptaráðherra um úrbætur á samkeppnishæfni Íslands varðandi beina erlenda fjárfestingu og eflingu markaðs- og kynningarstarfs.
Í tilefni opinberrar heimóknar forseta Íslands til Þýskalands efndu Íslandsstofa og sendiráð Íslands í Þýskalandi til málþings um verktækni og orkumál í Berlín í gær. Málþingið fór fram í húsakynnum Commerzbank en þar flutti forseti Íslands erindi og fulltrúar íslenskra verkfræði- og orkufyrirtækja kynntu starfsemi sína.
Guðmundur Eiríksson, sendiherra Íslands í Nýju Delí, Hannes Heimisson, verðandi sendiherra Íslands í Tókýó, Stefán Skjaldarson, verðandi sendiherra í Pekíng, og Auðunn Atlason, verðandi sendiherra í Vín, verða til viðtals í byrjun júlí.
Íslandsstofa hefur tekið saman lista yfir sýningar sem skipulagðar eru frá hausti 2013 til sumars 2014.
Inspired by Iceland var verðlaunað í tvígang þegar hin virtu Cannes Lion auglýsingaverðlaun voru veitt í 60. skipti í Frakklandi á sunnudag. Herferðin fékk tvenn bronsverðlaun fyrir notkun almannatengsla í vetrarátaki Inspired by Iceland þar sem ferðamenn voru beðnir um að stinga upp á lýsandi nafni fyrir Ísland í samræmi við upplifun sína af landinu.
Líf og fjör einkenndi hraðstefnumót upplýsingatæknifyrirtækja á dögunum. Þangað komu 26 fyrirtæki sem áttu hvert um sig á milli níu til tíu örfundi en alls voru haldnir 125 fundir.
Nú í vetur hefur Íslandsstofa tekið á móti fjölmörgum blaðamönnum og aðstoðað á einhvern hátt, yfir 600 blaðamenn á ársgrundvelli. Unnið er markvisst að því að skapa umfjöllun með fréttatilkynningum og hafa fréttir um Ísland m.a. verið birtar á CNN, Wall Street Journal, Katie Couric, Lonely Planet og BBC.