Íslandsstofa bauð nýverið meðlimum Álklasans í kaffispjall þar sem kynnt var sú fjölbreytta útflutningsþjónusta sem er í boði fyrir fyrirtæki klasans sem stofnaður var síðastliðið sumar.
Þann 24. september sl. fór fram ráðstefna í Madrid sem bar heitið Ísland sem markaður – Ísland sem áfangastaður.
Fulltrúi bandaríska ráðgjafafyrirtækisins Scott Madden Inc. kom til landsins á dögunum og hélt kynningu á niðurstöðum úttektar á samkeppnishæfni Íslands varðandi alþjóðlega útvistun.
Dagana 7.-10. október nk. munu 14 íslenskir matvælaframleiðendur kynna vörur sínar á einum elsta og virtasta matarmarkaði Lundúna, Borough Market. Gestir markaðarins leggja mikla áherslu á gæði og uppruna matvæla og því ættu íslensku vörurnar að falla vel í kramið hjá þeim.
Bókasýningin í Gautaborg fór fram dagana 24.-27. september sl. þar sem Íslendingar voru með eitt af aðalhlutverkunum með dagskránni Raddir frá Íslandi. Fimmtán íslenskir rithöfundar tóku þátt.
Dagana 24.-27. september var Íslandsstofa með þjóðarbás á JATA (Japan Association of Travel Agents) sýningunni í Tókýó, í samstarfi við sendiráð Íslands í Tókýó. Sýningin er sú stærsta sinnar tegundar í Japan og dregur að tugi þúsund gesta ár hvert.
Íslandsstofa tók þátt í Vestnorden ferðakaupstefnunni sem haldin var dagana 22.-24. september í Færeyjum. Fjöldi íslenskra ferðaþjónustufyrirtækja tók að venju þátt í kaupstefnunni sem er einn af stærri viðburðum ár hvert fyrir ferðaþjónustuna. Þetta árið tóku um 70 íslensk fyrirtæki þátt og í heildina frá öllum löndum yfir 100 ferðaþjónustufyrirtæki.
Íslandsstofa og Capacent boða til fundar um strauma og stefnur í ferðaþjónustu þriðjudaginn 6. október nk. Farið verður yfir þá strauma (trends) sem hafa áhrif á ferðamenn morgundagsins og hvernig þeir tengjast ferðaþjónustu á Íslandi.
Íslandsdagurinn er 26. september en þá er fjölbreytt dagskrá, fyrirlestrar, matur og tónlistaratriði.
Miðvikudaginn 30. september verða viðskiptafulltrúar sendiráða Íslands erlendis til viðtals á Grand hótel Reykjavík. Viðskiptafulltrúarnir koma til landsins á vegum Íslandsstofu til að hitta fyrirtæki og efla samstarfið.