Aðalræðisskrifstofa Íslands í New York, Íslandsstofa og viðskiptaþjónusta utanríkisráðuneytisins skipulögðu kaupstefnu í New York 26. janúar sl.
Þessa dagana fer fram ferðasýningin FITUR í Madrid á Spáni. Sýningin stendur yfir til 24. janúar og er búist við að um 220.000 gestir sæki hana heim.
Mikill fjöldi gesta hefur heimsótt básinn á "Grüne Woche" í Berlín þar sem íslenskur fiskur er kynntur undir merkjum Iceland Responsible Fisheries (IRF)
Íslandsstofa skipuleggur þátttöku Íslands í ferðakaupstefnunni MATKA í Finnlandi með fimm íslenskum fyrirtækjum. Kaupstefnan sem hófst í morgun er sú stærsta sinnar tegundar í Norður-Evrópu.
Íslandsstofa hefur í fyrsta sinn skipulagt þátttöku fimm íslenskra fyrirtækja á sýningunni BETT í London. Sýningin er ætluð tæknifyrirtækjum á sviði menntunar.
Sendiráð Íslands í Danmörku, Dansk-íslenska viðskiptaráðið, Nordatlantisk Hus og Restaurant Nordatlanten í Óðinsvéum skipuleggja kynningu á íslenskum matvælum, í samstarfi við Íslandsstofu. Kynningin fer fram dagana 7. og 8. apríl nk.
Fyrsta áfanga markaðsverkefnis um íslenska hestinn er nú að ljúka með formlegri stefnumótun, og framhald verkefnisins til næstu fjögurra ára að hefjast.
Made in Iceland kynnir undir einum hatti vörur og þjónustu íslenskra fyrirtækja og greiðir leið þeirra við að koma á viðskiptasamböndum í Kína. Verkefnið hefur nú göngu sína í fjórða sinn og býðst fyrirtækjum að slást í hópinn.
Íslandsstofa hefur gert samning við Íslenska kokkalandsliðið um að vera einn af bakhjörlum liðsins annað árið í röð. Samstarfið felur í sér að Íslandsstofa hefur aðgang að Kokkalandsliðinu vegna sérstakra viðburða, í tengslum við kynningu erlendis sem og við komu erlendra blaðamanna til landsins.
Heillandi saga Íslands og einstakt landslag gera landið að einum sérstakasta áfangastað sem ferðamaður getur komist til. Svo segir í upphafi útnefningar Luxury Travel Guide sem valdi Ísland sem áfangastað ársins 2016.