Auglýst eftir þátttakendum í gagnvirkt innkaupakerfi

Íslandsstofa, í samstarfi við Ríkiskaup, hefur auglýst eftir umsækjendum til að taka þátt í gagnvirku innkaupakerfi (DPS) fyrir markaðssetningu, almannatengsl og birtingar.

Gagnvirkt innkaupakerfi er innkaupaferli í samræmi við ákvæði 41. gr. laga nr. 120/2016 um opinber innkaup. Þátttakendum í innkaupakerfinu gefst kostur á að taka þátt í lokuðum útboðum innan kerfisins fyrir ákveðna þjónustuþætti sem kunna að verða boðnir út síðar.

Nánari upplýsingar er að finna í rafrænu útboðskerfi Ríkiskaupa, TendSign. Hægt er að nálgast leiðbeiningar um útboðskerfið á heimasíðu Ríkiskaupa