Í nýjum lögum um Íslandsstofu sem sett voru 2018 var stofunni falið að móta langtímastefnu um aukningu útflutningstekna. Stefnumótunin skyldi kveða á um áherslur í markaðsstarfi Íslands á erlendum mörkuðum, velja markaðssvæði og skilgreina mælanleg markmið til að hægt sé að meta árangur.

Í lögum um Íslandsstofu er kveðið á um Útflutnings- og markaðsráð sem skipað skal 31 fulltrúa. Hlutverk ráðsins er að marka, samþykkja og fylgjast með framkvæmd á langtímastefnumótun stjórnvalda og atvinnulífs fyrir markaðssetningu og útflutning.

Samkvæmt lögum um Íslandsstofu skal langtímastefnumótunin móta meginmarkmið þess markaðsstarfs sem Íslandsstofa sinnir á erlendum mörkuðum. Stefnan skal fela í sér markmið og áherslur á einstökum markaðssvæðum og varðandi einstakar atvinnugreinar og fela í sér mælanleg árangursmarkmið.