Endurnýjanleg orka hefur lengi verið einn af hornsteinum íslenskrar gjaldeyrisöflunar. Þekking og reynsla íslenskra fyrirtækja á sviði orkunýtingar hefur jafnframt ýtt undir spennandi nýsköpun á sviði grænna lausna sem nýst geta víða um heim. 

Vöxtur framtíðar þarf að byggja á hugvitsdrifnum útflutningsgreinum fremur en greinum sem byggja á náttúrulegum auðlindum sem takmörk eru sett. Vísindþorpið í Vatnsmýrinni leit dagsins ljós á árinu.

Í ágúst 2021 var undirritaður samningur á milli Íslandsstofu og mennta- og menningarmálaráðuneytisins, utanríkis- og þróunarsamvinnuráðuneytisins og forsætisráðuneytisins um markaðsverkefni skapandi greina undir heitinu Skapandi Ísland.

Á árinu 2021 lagði Íslandsstofa áherslu á að viðhalda vitund um áfangastaðinn meðal markhóps erlendis með markaðsaðgerðum og standa vörð um viðskiptatengsl sem fyrirtæki í greininni hafa byggt upp undanfarin ár með tengslastarfi og viðburðum.

Íslandsstofa hefur unnið náið með íslenskum sjávarútvegi þegar kemur að markaðsmálum. Seafood from Iceland stóð fyrir markaðsherferð í Frakklandi á árinu undir nafninu „Le Fishmas“ sem byggði á vel heppnaðri herferð í Bretlandi frá árinu áður sem kallaðist Fishmas.

Íslenskir framleiðendur matvæla, drykkjarvara, húð- og næringarvara hafa nýtt sér íslenskan uppruna og tengsl við ímynd landsins og hreinleika íslenskrar náttúru til aðgreiningar fyrir vörur sínar á erlendum mörkuðum.