![Ljósmynd](https://images.prismic.io/islandsstofa/755cd37d-511c-429c-b3cc-92e89ae74f2a_Icelandic_GY1A0643.jpg?ixlib=gatsbyFP&auto=compress%2Cformat&fit=max&w=2250&h=1500)
Vörumerkið Icelandic
Vörumerkið Icelandic
Gæði og íslenskur uppruni sjávarafurða
![Ljósmynd](https://images.prismic.io/islandsstofa/755cd37d-511c-429c-b3cc-92e89ae74f2a_Icelandic_GY1A0643.jpg?ixlib=gatsbyFP&auto=compress%2Cformat&fit=max&w=2250&h=1500)
Sókn í markaðsstarfi og horft til framtíðar
Félagið Icelandic Trademark Holding ehf. (ITH) er eigandi vörumerkjanna Icelandic® og Icelandic®Seafood sem standa fyrir hágæða íslenskar sjávarafurðir. ITH er í eigu íslenska ríkisins en Íslandsstofa hefur haft umsjón með daglegum rekstri félagins síðan 1. júlí 2020. Ný stefna ITH var mörkuð í byjun árs 2021 en megininntak hennar lýtur að því að auka verðmæti og auðvelda markaðsaðgengi íslenskra sjávarafurða á erlendum mörkuðum á grundvelli gæða, sjálfbærni og uppruna.
Jákvæð afkoma síðustu ára hafa gert ITH kleift að blása til sóknar í að styrkja Icelandic vörumerkin og efla markaðssókn í tengslum við ímynd þeirra. Þannig hefur verið fylgt eftir stefnu félagsins frá 2021 og skerpt á henni með endurskoðun hennar á árinu 2023. Megininntakið er sem fyrr að auka verðmæti og auðvelda markaðsaðgengi hágæða íslenskra sjávarafurða á erlendum mörkuðum. Með þátttöku í markaðsverkefnum íslenskra útflutningsfyrirtækja á mörkuðum í Evrópu og Norður Ameríku hefur félagið lagt sínar lóðir á vogarskálarnar við almenna ímyndaruppbyggingu íslensks sjávarfangs og við að styrkja ímynd Icelandic vörumerkjanna. Við endurskoðun á stefnu félagsins á haustmánuðum 2023 voru settar fram ýmsar nýjar áherslur og vaxtatækifæri sem lúta að viðskiptaþróun í tengslum við núverandi samninga félagins, ný markaðssvæði, nýsköpun o.fl.