![Ljósmynd](https://images.prismic.io/islandsstofa/1a3d2113-f372-46bb-bb49-ffc0f2589b28_B0019663_large2400x1828_data_centers.jpg?ixlib=gatsbyFP&auto=format%2Ccompress&fit=max&w=2400&h=1828)
Data Centers by Iceland
Data Centers by Iceland
Markmiðið er að auka vitund og bæta viðhorf væntanlegra viðskiptavina til hýsingar gagna á Íslandi
![Ljósmynd](https://images.prismic.io/islandsstofa/1a3d2113-f372-46bb-bb49-ffc0f2589b28_B0019663_large2400x1828_data_centers.jpg?ixlib=gatsbyFP&auto=format%2Ccompress&fit=max&w=2400&h=1828)
Aukum útflutningsverðmæti gagnavera
Um nokkura ára skeið hefur Ísland verið kynnt sem ákjósanlegur staðsetningarkostur fyrir gagnaver, byggt á úttektar- og greiningarvinnu innlendra og erlendra ráðgjafastofa. Viðskiptavinir alþjóðlegra gagnavera leggja áherslu á endurnýjanlegan uppruna orkunnar sem knýr og kælir ofurtölvur þeirra.
Meginmarkmið verkefnisins er að að auka vitund og bæta viðhorf væntanlegra viðskiptavina til hýsingar gagna á Íslandi í því skyni að auka útflutningsverðmæti gagnavera á landinu.
Lykilmarkaðir Data Centers by Iceland eru:
Bretlandseyjar (London, Dublin)
Þýskaland (Frankfurt, München, Berlín)
Bandaríkin (San Francisco, Seattle, New York, Boston, Washington DC.)
Verkefni ársins 2023
Data Centers by Iceland var með bás á Datacloud Global ráðstefnunni í Mónakó fyrir hagaðila sína á þessari árlegu ráðstefnu. Fjögur íslensk fyrirtæki tóku þátt auk þess að funda með mögulegum viðskiptavinum.
Data Centers by Iceland tók þátt í Datacloud ESG viðburðinum í Osló. Ákveðið var að vera ekki með bás að þessu sinni, heldur að kosta opnunarmóttökuna á ráðstefnunni og vera með íslenskan panel um tækifærin á Íslandi, auk þess að bjóða íslensku fyrirtækjunum fundarherbergi til afnota. Í opnunarmóttökunni var tilkynnt að ráðstefnan Datacloud ESG yrði haldið á Íslandi í apríl 2024.
![rich text image](https://images.prismic.io/islandsstofa/ZflRJw4qyfNhFxvO_Gagnaver_2_SiggeirHafsteinsson.jpg?auto=format,compress)
Mynd: Borealis Data Center. (C) Siggeir Hafsteinsson
Gagnaveraráðstefnan Datacenter Forum fór fram í annað sinn á Íslandi í október og er það mjög jákvætt að erlendir skipuleggjendur ráðstefnunnar hafi ákveðið að halda hana hér á landi öðru sinni.
Skipulögð var blaðamannaferð til Ísland í kringum Datacenter Forum ráðstefnuna þar sem meðal annars var farið norður á Akureyri og Blönduós og gagnaver atNorth og Borealis voru skoðuð. Einnig voru aðstæður fyrir gagnaver skoðaðar í kringum höfuðborgarsvæðið.
Árangur
Í kjölfar blaðamannaferðar á vegum Data centers by Iceland í október 2023 hafa sjö erlendir miðlar birt samtals 13 greinar, byggðar á heimsókninni til Íslands. Þar á meðal má nefna The Irish Times, ComputerWeekly, DataCenter Dynamics Magazine og TechHQ. Dreifing greinanna hefur verið umtalsverð og er heildarverðmæti umfjöllunar metin á 623.878 EUR eða um 93 milljónir króna. Heildardekkun (e. reach) greinanna er sem nemur 19.717.567 og heildarfjöldi birtinga (e. impressions) mældist 62.387.836.
Nálægt 1600 fylgjendur eru á LinkedIn rás Datacenter by Iceland, þá mældust snertingar (e. impressions) árið 2023 um 190.000 sem er hækkun úr 60.000 frá árinu áður.
Markmið ársins 2023 var að auka útflutningsverðmæti gagnaversiðnaðarins á Íslandi um 7%. Þetta hefur farið langt fram úr vonum þar sem aukningin mældist um 25%.