Sjávarútvegur
Sjávarútvegur
Íslenskur sjávarútvegur hefur lengst af verið okkar öflugasta útflutningsgrein og máttarstólpi í gjaldeyrisöflun þjóðarinnar.
Íslenskur sjávarútvegur
Íslenskur sjávarútvegur hefur lengst af verið okkar öflugasta útflutningsgrein og máttarstólpi í gjaldeyrisöflun þjóðarinnar. Vexti greinarinnar eru þó takmörk sett frá náttúrunnar hendi og því er nauðsynlegt að auka verðmæti íslenskra sjávarafurða með samræmdu markaðsstarfi á grundvelli uppruna, sjálfbærni og nýsköpunar.
Íslandsstofa hefur unnið náið með íslenskum sjávarútvegi þegar kemur að markaðsmálum. Má þar nefna þjónustu vegna sjávarútvegssýninga, ýmis konar fræðslu og kynningarfundi. Frá árinu 2010 hefur Íslandsstofa unnið með greininni að sameiginlegum markaðsverkefnum.
Seatech by Iceland
Um miðjan september fór viðskiptasendinefnd með íslenskum sjávartæknifyrirtækjum til Kanada, á vegum Íslandsstofu og sendiráðs Íslands í Kanada. Tilgangur ferðarinnar var að sækja sjávarútvegssýninguna Canadian Seafood Show í Montréal, að mynda tengsl á þessum vettvangi í Halifax og kynna sér sjávartengda starfsemi fyrirtækja á svæðinu.
Áherslumarkaðir
Bretland, Frakkland og Suður Evrópa
Seafood from Iceland
Á árinu 2022 var kynnt ný heildarhugmynd fyrir markaðsstarf Seafood from Iceland. Niðurstaðan var „Fish is our story“ sem byggir á sterkum sögulegum tengslum þjóðarinnar við sjávarútveginn.
Farið var í markaðsaðgerðir á skilgreindum áherslumörkuðum Seafood from Iceland: Bretlandi, Frakklandi og Suður-Evrópu. Efni Fish is Our Story herferðarinnar var birt tæplega 9 milljón sinnum á tímabilinu.
.jpg?ixlib=gatsbyFP&auto=compress%2Cformat&fit=max&w=1544&h=1080)
Fjárfest til framtíðar
Suður Evrópa er mikilvægur markaður fyrir íslenskan fisk, aðallega saltfisk. Mikil áhersla hefur verið á samstarf með matreiðslumönnum í gegnum árin og sérstök áhersla á þá yngstu, þá sem eru á mótunarárunum. Þannig verður tryggt að þeir þekki úrvals hráefni, besta saltfisk í heimi og velji hann í framtíðinni.
Haldnar voru glæsilegar lokakeppnir í Portúgal, Spáni og Ítalíu með ungum matreiðslumönnum og fengu um 300 nemendur kynningu á íslenskum saltfiski á árinu.