Dagsetning:
23. október 2024
Ferðakaupstefnan ITB Asia
Singapore í október
Íslandsstofa skipuleggur þátttöku íslenskra fyrirtækja á ferðasýningunni ITB Asia sem haldin verður í Singapore dagana 23.-25. október. Sýningin er eingöngu ætluð aðilum í ferðaþjónustu og því ekki opin almenningi (B2B).
Á sýningunni er öflugt fundabókanakerfi. Til að tryggja sem bestan árangur á sýningunni, er mælt með því að þátttakendur nýti sér kerfið og bóki fundi fyrirfram með vænlegum viðskiptavinum.
Í skoðun er að hala vinnustofu að morgni 22. október í Kuala Lumpur í Malasíu ef þátttaka fæst.
Verð:
Kostnaður vegna ITB Aisa verður að hámarki kr. 5.500 EUR á fyrirtæki miðað við einn starfsmann en 5.650 EUR miðað við tvo starfsmenn. Athugið að ferðakostnaður er ekki innifalinn í þátttökugjaldi. Þátttakendum býðst þó að bóka herbergi á hagstæðu verði á Swissôtel Hotel & Resorts í gegnum Íslandsstofu.
Kostnaður við vinnustofu í Kuala Lumpur liggur ekki fyrir en gert er ráð fyrir lítillegum aukakostnaði.
Nánari upplýsingar:
Nánari upplýsingar veitir Þorleifur Þór Jónsson, thorleifur@islandsstofa.is
