Endurnýjanleg orka hefur lengi verið einn af hornsteinum íslenskrar gjaldeyrisöflunar. Þekking og reynsla íslenskra fyrirtækja á sviði orkunýtingar hefur jafnframt ýtt undir spennandi nýsköpun á sviði grænna lausna sem nýst geta víða um heim. 

Markaðsleg áskorun Ísands á sviði hugvits og tækni liggur í því að Ísland skorar lægra en viðmiðunarlönd  þegar kemur að þáttum sem snúa að viðskiptaumhverfi og nýsköpun í huga neytenda á lykilmörkuðum. Þetta þarf að bæta.

Skapandi Ísland snertir fjölmörg verkefni sem snúa að þátttöku Íslands í alþjóðlegum hátíðum og kaupstefnum sem skila verðmætum tengslum og viðskiptum fyrir listir og skapandi greinar.

Áhugi ferðamanna á að ferðast til Íslands hefur aldrei mælst meiri og má með sanni segja að verkefnið Saman í sókn hafi náð þeim markmiðum sem sett voru í upphafi eða að auka eftirspurn eftir íslenskri ferðaþjónustu og styrkja ímynd Íslands sem áfangastaðar.

Á árinu 2022 var kynnt ný heildarhugmynd fyrir markaðsstarf Seafood from Iceland sem byggir á sögulegum tengslum þjóðarinnar við sjávarútveg. Farið var í markaðsaðgerðir á skilgreindum áherslumörkuðum Seafood from Iceland; Bretlandi, Frakklandi og Suður Evrópu.

Íslenskir framleiðendur matvæla, drykkjarvara, húð- og næringarvara hafa nýtt sér íslenskan uppruna og tengsl við ímynd landsins og hreinleika íslenskrar náttúru til aðgreiningar fyrir vörur sínar á erlendum mörkuðum.