Orka og grænar lausnir
Orka og grænar lausnir
Endurnýjanleg orka hefur lengi verið einn af hornsteinum íslenskrar gjaldeyrisöflunar.
Miðlum árangri Íslands
Endurnýjanleg orka hefur lengi verið einn af hornsteinum íslenskrar gjaldeyrisöflunar. Þekking og reynsla íslenskra fyrirtækja á sviði orkunýtingar hefur jafnframt ýtt undir spennandi nýsköpun á sviði grænna lausna sem nýst geta víða um heim.
Verkefni ársins 2022 á sviði orku og grænna lausna voru margvísleg. Grænar lausnir og sér í lagi sjálfbærar grænar lausnir voru kynntar víða undir merkjum Green by Iceland. Markmiðið var að auka vitund um sjálfbæra nýtingu auðlinda á Íslandi og kynna íslenskar grænar lausnir á erlendum mörkuðum. Markaðsstarf Green by Iceland gengur vel og tekist hefur að skapa verðmæt viðskiptatengsl fyrir íslensk fyrirtæki.
Markaðsverkefni gagnavera, Data Centers by Iceland er hýst hjá Íslandsstofu. Í yfir 10 ár hefur Ísland verið kynnt sem ákjósanlegur staður fyrir gagnaver, byggt á úttektar- og greiningarvinnu innlendra sem erlendra ráðgjafastofa. Verðmætir viðskiptavinir alþjóðlegra gagnavera leggja áherslu á endurnýjanlegan uppruna orkunnar sem knýr og kælir ofurtölvur þeirra. Fyrsta alþjóðlega gagnaversráðstefnan var haldin í Grósku á árinu.
Lesið nánar um verkefni ársins 2022 á sviði orku og grænna lausna hér að neðan.
Orka og grænar lausnir
Grænar lausnir á erlendum mörkuðum
Green by Iceland
Green by Iceland er markaðsverkefni sem miðar að því að auka vitund um sjálfbæra nýtingu auðlinda á Íslandi og kynna íslenskar grænar lausnir á erlendum mörkuðum. Langtímamarkmið verkefnisins er að byggja upp vörumerkið Green by Iceland, einkum á fyrirtækjamarkaði, og styðja við orðspor Íslands sem leiðandi lands á sviði sjáflbærni.
Orka og grænar lausnir
Markaðsverkefni gagnavera
Data Centers by Iceland
Meginmarkmið verkefnisins Data Centers by Iceland er að að auka vitund og bæta viðhorf væntanlegra viðskiptavina til hýsingar gagna á Íslandi í því skyni að auka útflutningsverðmæti gagnavera.
Fyrsta alþjóðlega gagnaversráðstefnan var haldin á Íslandi á árinu, Data Center Forum.
Orka og grænar lausnir
Framtíðin er græn
Græn framtíð
Sýningin Græn framtíð varpar ljósi á árangur og sögu Íslands við nýtingu endurnýjanlegra orkugjafa, segir frá markmiðum Íslands í loftslagsmálum, og veitir innblástur um þær fjölmörgu grænu lausnir og nýsköpun sem íslensk fyrirtæki hafa fram að færa erlendis.
Á seinasta ári komu yfir 800 gestir að sjá sýninguna meðal annars erlendar sendinefndir, fjárfestar og fulltrúar fyrirtækja sem hafa áhuga á að kynna sér íslenskt orkuhugvit og grænar lausnir.