Á árinu 2022 voru haldnir sex viðburðir í nafni Taste of Iceland í Bandaríkjunum og fóru þeir fram í borgunum Washington, Boston, Denver, Chicago, Toronto, og Seattle. Gestum viðburðanna var meðal annars boðið að kynnast menningu frá Íslandi í formi tónlistar, matvæla, bókmennta og kvikmynda.

Á árinu var kynnt ný heildarhugmynd fyrir markaðsstarf Seafood from Iceland; „Fish is our story” sem byggir á sögulegum tengslum þjóðarinnar við sjávarútveg. Farið var í markaðsaðgerðir á skilgreindum áherslumörkuðum Seafood from Iceland, í Bretlandi, Þýskalandi og Suður Evrópu.

Markmið verkefnisins er að auka eftirspurn eftir íslenskri ferðaþjónustu, styrkja ímynd Íslands sem áfangastaðar og viðhalda samkeppnisstöðu íslenskrar ferðaþjónustu og annarra útflutningsgreina. Tvær herferðir voru framkvæmdar á árinu 2022 til að viðhalda og efla áhuga á landi okkar og þjóð.

Skapandi Ísland snertir fjölmörg verkefni sem snúa að þátttöku Íslands í alþjóðlegum hátíðum og kaupstefnum sem skila verðmætum tengslum og viðskiptum fyrir listir og skapandi greinar.

Tekist hefur að skapa verðmæt viðskiptatengsl fyrir íslensk fyrirtæki í tengslum við verkefnið Green by Iceland. Aukinn áhugi er á íslenskum grænum lausnum á heimsvísu, t.d. þekkingu Íslendinga á nýtingu jarðvarma til húshitunar og nýsköpun á sviði kolefnisbindingar.

Mikið var um erlend kvikmyndaverkefni og nam heildarvelta þeirra rúmlega 12 milljörðum króna. Fyrst má nefna þættina True Detective, stærsta sjónvarpsverkefni í sögu Íslands. Önnur verkefni sem tekin voru upp á Íslandi á árinu eru t.d. kvikmyndirnar Luther og Heart of Stone og þættirnir The Witcher.

MICE ferðaþjónusta á heimsvísu tók hraðar við sér eftir heimsfaraldur en spáð var og árið 2022 gekk töluvert betur en reiknað var með. Miklir hagsmunir eru í húfi á þessu sviði fyrir áfangastaði enda er markaðurinn talinn vera einn af lykildrifkröftum hagrænnar innspýtingar vegna arðbærni hans. 

Meginmarkmið verkefnisins er að að auka vitund og bæta viðhorf væntanlegra viðskiptavina til hýsingar gagna á Íslandi í því skyni að auka útflutningsverðmæti gagnavera.

Landsmót hestamanna var haldið á Hellu í júlí undir yfirskriftinni „Loksins landsmót“ þar sem Horses of Iceland lét sig ekki vanta. Dagur íslenska hestsins var haldinn hátíðlegur í maí. Þá sótti fulltrúi verkefnisins hestasýningu í Bandaríkjunum og var með viðveru á stærstu hestasýningu heims í Þýskalandi.

Reykjavik Science City stóð fyrir fimm fjárfestaviðburðum á árinu. Þar á meðal voru viðburðir í tengslum við TechBBQ í Kaupmannahöfn og Slush í Helsinki fyrir Saas fyrirtæki úr fjölbreyttum greinum sem 60 fulltrúar frá Íslandi sóttu.

Vörumerkið Icelandic stendur fyrir gæði og íslenskan uppruna og á merkið á sér langa, merkilega og farsæla sögu um hágæða íslenskar sjávarafurðir. Á árinu 2022 var hagnaður af starfsemi félagsins og sjóðstreymi jákvætt, líkt og árið áður.

Heimstorgið er afrakstur samstarfs Íslandsstofu og utanríkisráðuneytisins og kemur til í kjölfar samkomulags um þjónustuborð atvinnulífsins sem hleypt var af stokkunum í mars 2021. Starfsemi Heimstorgsins byggir m.a. á stefnu stjórnvalda um þróunarsamvinnu.