Loading…
Íslandsstofa
Íslandsstofa

Viðskiptasendinefnd til Rússlands

7. nóvember 2019

Guðlaugur Þór Þórðarson utanríkisráðherra mun fara í opinbera heimsókn til Rússlands í lok nóvember. Af því tilefni munu utanríkisráðuneytið, Íslandsstofa og rússnesk-íslenska viðskiptaráðið, sem var formlega stofnað í dag, 1. nóvember 2019, skipuleggja ferð viðskiptasendinefndar dagana 25.-26. nóvember, sem fylgir ráðherra til höfuðborgarinnar Moskvu.

Megináhersla í dagskrá viðskiptasendinefndarinnar verður að efla og styrkja viðskipti við Rússland, bæði með því að rækta núverandi viðskiptatengsl sem og með því að líta til nýrra tækifæra.

Mánudaginn 25. nóvember mun viðskiptasendinefndin heimsækja nýsköpunarstofnun Rússlands, Skolkovo, í útjaðri Moskvu og kynna sér starfsemi hennar. Nýsköpunarmiðstöð Íslands og Skolkovo stofnunin undirrituðu viljayfirlýsingu 23. október sl. um samstarf á sviði rannsókna og aðstoðar við sprota- og frumkvöðlafyrirtæki á Íslandi og í Rússlandi. Alls eru tæplega 2.000 nýsköpunarfyrirtæki með starfsemi hjá Skolkovo stofnuninni, en þar er m.a. lögð áhersla á nýsköpun á sviði upplýsingatækni, líftækni og orku. Þriðjudaginn 26. nóvember verður sérstakur viðburður í sendiráði Íslands í Moskvu með utanríkisráðherra þar sem fulltrúum fyrirtækja gefst kostur á að kynna sig. Frekari upplýsingar um endanlega dagskrá verða sendar á skráða þátttakendur um leið og þær liggja fyrir.

SKRÁNING

Nánari upplýsingar veitir Ingveldur Ásta Björnsdóttir ingveldur@islandsstofa.is eða í síma 5114000. Áhugasamir eru hvattir til að hafa samband fyrir 7. nóvember nk.

Viðskiptasendinefnd til Rússlands

Deila