Loading…

Íslenskir markaðsdagar í Osló

15. júní 2018 13:20 SALT Arena

Sendiráð Íslands í Osló stendur fyrir íslenskum markaðsdögum á SALT útisvæðinu í miðbæ Oslóar dagana 15. - 17. júní nk., í samstarfi við Íslandsstofu. Þar gefst áhugasömum aðilum tækifæri til að kynna vörur sínar og þjónustu. 

Markaðurinn er tilvalinn vettvangur fyrir íslensk fyrirtæki sem þegar eru á norska markaðinum, sem og aðila á Íslandi sem óska eftir kynningu í Noregi, og getur til dæmis hentað til að kynna hönnunarvörur, listvörur, matvæli og ferðaþjónustu.

Markaðurinn verður opinn frá föstudegi til sunnudags og á meðan á honum stendur verður boðið upp á ýmsa íslenska viðburði á svæðinu. SALT er opið gestum og gangandi og er svæðið vinsælt bæði meðal borgarbúa og ferðamanna.

Við könnum hér með áhuga fyrirtækja á að nýta þetta tækifæri til kynningar á vörum eða þjónustu í Noregi. Áhugasamir eru beðnir að hafa samband við Oddnýju Arnarsdóttur á netfangið oddny@islandsstofa.isfyrir 28. maí nk.

Íslenskir markaðsdagar í Osló

Deila