Loading…

Ferðasýningin ITB í Berlín

4. mars 2020

Íslandsstofa tekur þátt í ferðasýningunni ITB sem fram fer dagana 4.-8. mars í Berlín.

Sýningin er haldin árlega og er ein sú stærsta sinnar tegundar í heiminum. Á síðasta ári sóttu hana um 160.000 manns, þar af um 113.000 fagaðilar. Ísland verður eins og síðustu ár með aðstöðu í höll 18 á sameiginlegu sýningarsvæði Norðurlandanna. Á ITB býðst fyrirtækjum í ferðaþjónustu gott tækifæri til að kynna sig og koma á viðskipta­samböndum. Sýningin er tvískipt; fyrri hluti hennar, 4.-6. mars er eingöngu fyrir fagfólk en dagana 7. og 8. mars er sýningin einnig opin almenningi.

Norðurlöndin skiptast á með sýningarbásana á sameiginlega sýningarsvæðinu og á ITB 2020 verður Ísland með sýningarbás sem snýr að gangi á eina vegu.

Nánari upplýsingar veitir Sigríður Ragnarsdóttir, sigridur@islandsstofa.is

Sjá einnig vefsíðu ITB.


Ferðasýningin ITB í Berlín

Deila