Loading…

Tengslanet erlendis

Íslandsstofa býr að mikilvægum tengslum utan landsteinanna sem nýst geta fyrirtækjum á mismunandi stöðum í sókn á erlendum mörkuðum.

Viðskiptafulltrúar

Íslandsstofa og viðskiptasvið utanríkisráðuneytisins bjóða íslenskum fyrirtækjum víðtæka þjónustu hjá þeim tíu sendiráðum sem eru með starfandi sérstakan viðskiptafulltrúa. Þetta eru sendiráð Íslands í Kaupmannahöfn, Berlín, Delí, Helsinki, Moskvu, London, Osló, París, Pekíng, Stokkhólmi, Tókýó og Washington. Áhersla er lögð á sveigjanlega þjónustu enda þarfir fyrirtækja ólíkar.

Viðskiptafulltrúarnir búa yfir mikilli reynslu og þekkingu á staðháttum, hafa mikilvægt tengslanet og góð sambönd í umdæmislöndunum meðal annars við útflutningsráðin og fleiri aðila sem nýtast íslensku atvinnulífi. Í sumum sendiráðum er boðið upp á aðstöðu til að funda með fyrirtækjum og öll bjóða þau upp á þá þjónustu að senda út boðskort eða annað efni þegar við á.

Hér finnur þú upplýsingar um viðskiptafulltrúa í sendiráðum (pdf)

Ráðgjafar

Íslandsstofa hefur gert samninga við erlend ráðgjafafyrirtæki sem m.a. sérhæfa sig í að aðstoða einstaka fyrirtæki við að skoða markaði og koma mönnum í réttu tengslin á viðkomandi markaði. Þessir ráðgjafar eru staðsettir í Skandinavíu, Bretlandi, Þýskalandi, Kanada og Bandaríkjunum.

Hafðu samband við Gunnhildi Ástu Guðmundsdóttur til að fá nánari upplýsingar.