Markmiðið með því að laða að beina erlenda fjárfestingu til landsins er meðal annars að auka fjölbreytni í atvinnulífinu og fá aukið fjármagn til uppbyggingar landsins til lengri tíma. Íslandsstofa starfar í samræmi við stefnu stjórnvalda um erlendar fjárfestingar á hverjum tíma.
Fjárfestingarsvið Íslandsstofu hefur það hlutverk að þjóna öllum erlendum fjárfestum sem áhuga hafa á Íslandi. Í virku markaðsstarfi við að ná til erlendra fjárfesta styðst Fjárfestingarsvið Íslandsstofu meðal annars við niðurstöður samkeppnisgreininga þar sem búið er að kortleggja tækifæri og samkeppnisforskot Íslands á tilteknum sviðum.
Íslensk stjórnvald taka við umsóknum um fjárfestingarsamninga sem fela í sér ívilnanir vegna nýfjárfestinga sem staðfestir hve mikilvægar fjárfestingar eru. Fjárfestingarsvið sér um að kynna ívilnanirnar fyrir erlendum fjárfestum í samráði við atvinnuvega- og nýsköpunarráðuneytið og kemur að mati á þjóðhagslegum ávinningi fyrirhugaðra verkefna áður en ívilnananefnd ráðuneytisins afgreiðir umsóknir.
Fjárfestingarsvið Íslandsstofu rekur verkefnið Film in Iceland og heldur í því skyni úti vefnum www.filminiceland.com. Vaxandi áhugi hefur verið á Íslandi sem tökustað en meðal verkefna sem tekin hafa verið að hluta á Íslandi á allra síðustu árum.
