Loading…

Bacalao de islandia

Saltaðar íslenskar þorskafurðir

Saltaðar þorskafurðir í Suður-Evrópu (Bacalao de Islandia) er markaðsverkefni sem Íslandsstofa og Íslenskir saltfiskframleiðendur (ÍSF) höfðu frumkvæðið að því að móta til kynningar á söltuðum þorskafurðum í Suður- Evrópu árið 2013. Ákveðið var að leggja áherslu á helstu útflutningsmarkaði Íslendinga í Suður-Evrópu; Spán, Portúgal og Ítalíu. Ávinningur af þessu markaðssamstarfi felst í meiri slagkrafti í kynningu og samhæfingu aðila á markaði í harðnandi samkeppni.

Saltaðar íslenskar þorskafurðir


Markmið verkefnisins

Markmið verkefnisins er að efla samkeppnisstöðu og auka verðmætasköpun saltaðra þorskafurða frá Íslandi - með því að treysta orðspor og ímynd saltaðra þorskafurða frá Íslandi sem úrvals afurða - með því að vekja athygli á íslenskum uppruna og sérstöðu sem tengist gæðum og hreinleika efla tengsl við lykilhagsmunaaðila, innkaupa- og dreifingaraðila með fræðslu og kynningum og - með því að skapa áhuga kaupenda á íslenskum fiski og festa í sessi núverandi og nýja neytendur.

Markmið verkefnisins


Kynningarstarfið

Fjöldi íslenskra fyrirtækja með mikla reynslu og þekkingu á framleiðslu, sölu og markaðssetningu íslenskra saltfiskafurða taka þátt í verkefninu. Samráð er við fyrirtækin um mótun á áherslum og val á markaðsaðgerðum, en ákvarðanir eru einnig byggðar á rannsóknum á mörkuðunum. Slagorð verkefnisins er „Smakkaðu og deildu leyndarmálum íslenska þorsksins" og er lögð áhersla á gæði, ferskleika og ábyrgar fiskveiðar í kynningunni. Undanfarin ár hafa fjölmargir viðburðir verið haldnir erlendis, neytendum boðið upp á smakk, kynningar í kokkaskólum, þátttaka í saltfiskhátíðum, samstarf við veitingastaði o.fl.

Kynningarstarfið

    Þetta myndband lýsir stefnu og áherslum í verkefninu, sem og helstu markaðsaðgerðum:

    Hægt er að hlaða niður kynningu á verkefninu á ensku hér

    Vefsíða á spænsku
    Vefsíða á ítölsku
    Vefsíða á portúgölsku

    Spánn

    Portúgal

    Ítalía