Markaðsverkefni

Green by Iceland

Green by Iceland

Hlutverk Green by Iceland (Grænvangs) er að efla samstarf atvinnulífs og stjórnvalda við að draga úr losun gróðurhúsalofttegunda og styðja við markmið um kolefnishlutlaust Ísland árið 2040.

feature image

Kolefnishlutlaust Ísland 2040

Ísland stefnir að kolefnishlutleysi árið 2040. Íslendingar nýta nú þegar endurnýjanlega orkugjafa til rafmagnsframleiðslu og húshitunar. Ein stærsta áskorun samtímans eru orkuskipti í samgöngum.


Grænvangur leiðir saman íslensk fyrirtæki og stjórnvöld í aðgerðum sem miða að því að flýta orkuskiptum í samgöngum til að Ísland nái metnaðarfullu markmiði sínu í loftslagsmálum.

Markmið Íslands í loftslagsmálum
feature image

Útflutningur grænna lausna

Grænvangur og Íslandsstofa vinna saman að því að kynna framlag Íslands í loftslagsmálum. Áratugalöng reynsla Íslendinga við nýtingu endurnýjanlegrar orku nýtist víða um heim til að liðsinna öðrum þjóðum við að draga úr notkun jarðefnaeldsneytis og minnka þannig losun gróðurhúsalofttegunda á heimsvísu.


Meginmarkmið Green by Iceland er að Ísland verði þekkt fyrir grænar lausnir og sjálfbæra nýtingu auðlinda.

Lesa meira á vef Green by Iceland
feature image

Loftslagsvænni rekstur - taktu skrefið!

Þegar kemur að því að stíga fyrstu skrefin í átt að umhverfis- og loftslagsvænni rekstri er mikilvægt að forgangsraða eftir því hvað fyrirtæki getur raunverulega gert og viðhaldið. Á heimasíðu Grænvangs má finna heilræði, upplýsingar og sérstakar reiknivélar fyrir íslensk fyrirtæki sem stefna að kolefnishlutleysi.

Lesa meira á vef Green by Iceland