Loading…

Ísland hlýtur verðlaun National Geographic í Rússlandi

Ísland hlýtur verðlaun National Geographic í Rússlandi

12. desember 2018

Ísland hlaut verðlaun frá ferðatímariti National Geographic í Rússlandi. Ísland bar sigur úr býtum í flokknum „Discovery of the year" en er þar vísað til þess að landið sé uppgötvað sem nýr og spennandi ferðaáfangastaður.

Sendiherra Íslands í Rússlandi, Berglind Ásgeirsdóttir, tók við verðlaunum sem voru afhent af einum þekktasta geimfara Rússa, Sergey Ryazanskiy en hann hefur dvalið yfir 300 daga úti í geimnum. Í þakkarræðu sinni rifjaði sendiherrann upp þá skemmtilegu staðreynd að fyrstu mennirnir sem fóru til tunglsins æfðu meðal annars á Íslandi fyrir ferðina.

Tímaritið National Geographic í Rússlandi veitir árlega verðlaun í nokkrum flokkum og byggir valið á rafrænni kosningu lesenda tímaritsins, en að þessu sinni tóku 270 þúsund lesendur þátt.

Árið 2016 hlaut  Ísland einnig verðlaun National Geographic en fékk þá viðurkenningu fyrir sjálfbæra ferðamennsku.


Deila