Íslandsstofa er samstarfsvettvangur um kynningu á íslenskum listum og skapandi greinum í þeim tilgangi að auka virði þeirra í gjaldeyrisöflun þjóðarinnar. ​Áhersla er lögð á traust samstarf við miðstöðvar skapandi greina, faglega stefnumótun í kynningarmálum sem stuðla að aukinni þekkingu og eftirspurn lista og skapandi greina á erlendri grundu. ​

Íslandsstofa rekur verkefnið Film in Iceland sem hefur m.a. það markmið að kynna Ísland sem vænlegan tökustað fyrir erlend kvikmyndaverkefni.

Við viljum kynna Ísland sem skapandi miðstöð, upprunaland menningarafurða og eftirsóknarverðan stað til sköpunar á sviði tónlistar, bókmennta, myndlistar, sviðslista og hönnunar.