Með markvissum aðgerðum síðastliðið eitt og hálft ár hefur tekist að verja samkeppnisstöðu Íslands í mjög erfiðu árferði, og styrkja ímynd Íslands sem áfangastaðar. Þrjár herferðir voru framkvæmdar á árinu 2021 til að viðhalda og efla áhuga á landi okkar og þjóð.

Heiti verkefnisins var breytt á árinu úr Iceland Naturally í Inspired by Iceland NA. Sú breyting var gerð í þeim tilgangi að einfalda ásýnd erlendra vörumerkja og nýta þá fjárfestingu sem varið hefur verið til uppbyggingar Inspired by Iceland vörumerkisins. Tveir Taste of Iceland viðburðir fóru fram á árinu, í Seattle og Toronto þar sem boðið var upp á tónleika, íslenskan mat, bókakynningar og fleira.

Samstarf Íslandsstofu við almannatengslaskrifstofur erlendis og markaðsherferðir gaf af sér yfir 5000 umfjallanir um Ísland á síðasta ári. Ísland var töluvert í kastljósinu vegna eldgossins í Fagradal, vegna orkumála, fyrir góðan árangur í baráttunni gegn kórónuveirunni og síðan vegna afléttingu ferðatakmarkanna.

Vörumerkið Icelandic stendur fyrir gæði og íslenskan uppruna og á vörumerkið á sér langa, merkilega og farsæla sögu um hágæða íslenskar sjávarafurðir.

Verkefni í markaðsstarfi sem Íslandsstofa hefur umsjón með eru margvísleg. Þó eiga það sameiginlega markmið að styrkja ímynd Íslands, kynna íslenskar vörur og þjónustu og stuðla að auknum gjaldeyristekjum til þjóðarbús Íslands.