Ferðasýningin Vakantiebeurs í Hollandi í janúar 2018

Bæta viðburði í dagatal

Íslandsstofa tekur þátt í ferðasýningunni Vakantieberus í Utrecht, Hollandi dagana 9.-14. janúar 2018 á sameiginlegum Íslandsbás. Sýningin er haldin árlega og er stærsta ferðasýningin á hollenska markaðinum en á síðasta ári sóttu hana tæplega 110 þúsund manns. 

Á Vakantiebeurs býðst fyrirtækjum í ferðaþjónustu gott tækifæri til að kynna sig og koma á viðskiptasamböndum í Hollandi og víðar. Ísland verður með eigin sýningarbás undir merkjum Inspired by Iceland, ef næg þátttaka næst. Fyrirtækjum gefst kostur á að deila afgreiðsluborði til að lækka þátttökukostnað sinn.

Meðfylgjandi er skráningareyðublað og upplýsingar um verð. Þátttökukostnaður veltur á fjölda þeirra fyrirtækja sem taka þátt á Íslandsbásnum. Þeir aðilar sem hafa áhuga á að taka þátt í sýningunni á vegum Íslandsstofu eru vinsamlegast beðnir að senda eyðublaðið útfyllt á netfangið sigridur@islandsstofa.is fyrir 28. júní nk.

Nánari upplýsingar veitir Sigríður Ragnarsdóttir, sigridur@islandsstofa.is eða í s. 897 7950.