Berglind Steindórsdóttir
Sýningastjóri

Hér að neðan má sjá lista yfir þær sýningar sem Íslandsstofa kemur að á árinu 2017. Þetta eru sýningar sem heyra undir sjávarútveg, matvæli, bækur, hönnun, húsgagnahönnun og annað. Hér má finna lista yfir ferðasýningar og vinnustofur sem Íslandsstofa hyggur á þátttöku í árið 2017. 

Sýningar 2017:


BETT
, London, 25.-28. janúar
Seafood Processing North America, Boston, 19.-21. mars
Seafood Expo North America, Boston, 6.-8. mars
Seafood Processing Global, Brussel, 25.-27. apríl
Seafood Expo Global, Brussel, 25.-27. apríl
Heimsmeistaramót Íslenska hestsins, Oirschot (Hollandi), 7.-13. ágúst
Bókamessan, Gautaborg, 28. september - 1. október
Hydro Power, Sevilla, 9.-11. október
China Fisheries & Seafood Expo, Quingdao, 1.-3. nóvember

Equitana, 18.-26. mars
Anuga, 7.-11. október
 

Ávinningur þess að taka þátt í sýningum í samstarfi við Íslandsstofu

Ávinningur íslenskra fyrirtækja af sameiginlegri þátttöku í sýningum undir hatti Íslandsstofu er mikill en öll stefna þau að sama marki:

  • Kynna vörur eða þjónustu.
  • Efla ímynd fyrirtækisins.
  • Treysta viðskiptatengsl og stofna til nýrra.
  • Kynnast stefnum og straumum í atvinnugreininni.

Íslandsstofa hefur aðgang að gagnabönkum og ýmsum öðrum upplýsingum sem varða sýningar og þátttöku í þeim. Með ráðgjöf, fræðslu og upplýsingamiðlun tryggir starfsfólk Íslandsstofu markvissa, fagmannlega og árangursríka framgöngu íslenskra fyrirtækja á sýningum erlendis.
 

Reglur varðandi þátttöku á þjóðarbás
 

  • Hver þátttakandi skal skila inn skriflegri staðfestingu um þátttöku á sýningum.
  • Þátttakendur þurfa að greiða 50.000 kr. staðfestingargjald sem er óendurkræft.
  • Fyrirtæki sem ekki hefur sótt um þátttöku til Íslandsstofu, hefur ekki leyfi til að sýna með öðru fyrirtæki á þjóðarbásnum, nema með samþykki Íslandsstofu.
  • Íslandsstofa áskilur sér allan rétt til þess að raða fyrirtækjum niður á sýningarsvæði.
  • Við niðurröðun á sýningarsvæði skal almennt tekið tillit til fyrri þátttöku fyrirtækja svo og stærð einstakra sýningarbása.
  • Íslandsstofa ber enga ábyrgð á eigum fyrirtækja sem eru notaðar við eða í kringum sýningar.

Kostnaður/Greiðslur

  • Þátttökukostnaður af gólfsvæði skal greiðast að fullu fyrir sýningu.
  • Fyrirtæki skuldbindur sig til að greiða sinn hluta af föstum kostnaði, jafnvel þó að það óski eftir að hætta við þátttöku á síðari stigum undirbúnings.
  • Uppgjör skal lagt fram að sýningu lokinni, ásamt lokareikningi. 

Básinn

  • Íslandsstofa hefur umsjón með hönnun og smíði þjóðarbáss.
  • Engar fyrirtækjamerkingar skulu vera á hatti þjóðarbáss.
  • Bæklingadreifing frá öðrum fyrirtækjum en þeim sem skráð eru á básinn er ekki leyfileg nema með vitund Íslandsstofu.
  • Fyrirtækjum er ekki heimilt að taka básinn niður fyrr en að sýningu lokinni. 

Starfsfólk á bás

  • Þátttakandi skal mæta á sýningarsvæði til þess að stilla upp kynningarefni og vörum a.m.k. 24 klst. áður en sýningin opnar, nema samið hafi verið um annað.
  • Hver bás skal vera mannaður þann tíma sem sýningin er opin, nema samið hafi verið um annað.
  • Einungis skráðir starfsmenn hafa leyfi til að starfa á básnum.
  • Neysla matar er aðeins heimil á kaffi- eða fundaraðstöðu.
  • Ávallt skal halda básnum hreinum og snyrtilegum.
  • Reglur vegna þátttöku á þjóðarbás (word)

Upplýsingar um sýningar

Hægt er að finna upplýsingar um sýningar á Expo Database og Auma

Ef þú hefur áhuga á að taka þátt í sýningu eða þarft nánari upplýsingar, hafðu þá samband við Berglindi Steindórsdóttur sýningarstjóra Íslandsstofu og hún tekur vel á móti þinni fyrirspurn.