Íslandsstofa framleiðir bæði almennt markaðs- og kynningarefni um Ísland, og sérhæft efni í tengslum við einstök verkefni. 

Vefir og samfélagsmiðlar

Íslandsstofa leggur mikla áherslu á notkun samfélagsmiðla og vefsíðna í markaðsstarfi sínu. Íslandsgáttin Iceland.is – Official Gateway to Iceland, miðlar samræmdum upplýsingum um viðskipti, ferðaþjónustu, menningu og fjárfestingar á Íslandi, ásamt því að hýsa vefi sendiráða utanríkisþjónustunnar. 

Upplýsingavefurinn visiticeland.com veitir ferðamönnum upplýsingar um Ísland og íslenska ferðaþjónustu. Íslandsstofa heldur einnig úti verkfærakistu fyrir innlenda og erlenda ferðaþjónustu þar sem hægt er að kynna sér hvernig Ísland er kynnt, þjálfunartæki fyrir söluaðila ásamt markaðsgreiningum travel.trade.visiticeland.com

Íslandsstofa sér um rekstur vefsins Icelandnaturally.com, í tengslum við verkefnið Iceleand Naturally. Einnig kemur Íslandsstofa að vefjum eins og visiteurope.com.

Bæklingar og önnur útgáfa

Íslandsstofa gefur út almennan landkynningarbækling á 14 tungumálum og annað kynningarefni fyrir sértækari verkefni. þessu efni er bæði dreift á ferðasýningum og í póstdreifingu til áhugasamra aðila. Íslandsstofa framleiðir einnig sértæka bæklinga og dreifiefni í tengslum við sýningar og átaksverkefni. Þá gaf Íslandsstofa út bækling undir merkjum Inspired by Iceland um leiðarljós í markaðssetningu á íslenskri ferðaþjónustu.