Íslandsstofa skipuleggur árlega þátttöku í ferðasýningum á sameiginlegum Íslandsbás. Þar gefst íslenskum fyrirtækjum í ferðaþjónustu kostur á að leigja aðstöðu á Íslandsbásnum til að kynna þjónustu sína, mynda ný viðskiptatengsl og efla þau sem þegar eru til staðar. Lögð er áhersla á þátttöku í ferðasýningum sem ætlaðar eru fagaðilum í ferðaþjónustu (B2B) en sumar sýningarnar eru þó einnig að hluta til opnar fyrir almenna gesti (B2C). Við ákvarðanatöku um val á þátttöku í sýningum er tekið mið af helstu áherslumörkuðum Íslandsstofu. 

Á þjóðarbás Íslandsstofu gefst þátttakendum kostur á að leigja afgreiðsluborð og/eða fundarborð en borðunum fylgir aðstaða til að leggja fram kynningarefni þátttökufyrirtækja. Skráning vegna þátttöku í sýningum og viðskiptasendinefndum er auglýst á vefsíðu Íslandsstofu með a.m.k. þriggja mánaða fyrirvara auk þess sem auglýsingar eru sendar út til þeirra aðila sem skráðir eru á póstlista Íslandsstofu.

Nánari upplýsingar veita:

Margrét Helga Jóhannsdóttir (N-Ameríka og Frakkland), margret@islandsstofa.is
Sigríður Ragnarsdóttir (Suður- og Mið Evrópa), sigridur@islandsstofa.is
Oddný Arnarsdóttir (Skandinavía og Bretland), oddny@islandsstofa.is
Þorleifur Þór Jónsson (fjarmarkaðir), thorleifur@islandsstofa.is