ÚH-21 hefst í haust
Átta fyrirtæki verða valin til þátttöku
Markaðsverkefnið Útflutningsaukning og hagvöxtur, ÚH, verður haldið í 21. sinn í haust. Það er ætlað fyrirtækjum sem hafa áhuga á að hefja útflutning, auka útflutning eða treysta tök sín á markaðssetningu erlendis. Að vanda verða átta fyrirtæki valin til þátttöku.
Nýtt ÚH-verkefni tekur 8 mánuði við fræðslu og þjálfun og 6 mánuði við að leita að sölu og drefingaraðila erlendis. Að jafnaði eru tveir vinnudagar í mánuði fyrri hluta verkefnisins og síðan þarf að gera ráð fyrir ferðalögum erlendis seinni hluta verkefnisins.
Útflutningsráð Íslands stendur að verkefninu í samvinnu við Nýsköpunarsjóð atvinnulífsins, Bakkavör Group, Samtök iðnaðarins og Félag kvenna í atvinnurekstri.
Áhugasamir eru hvattir til að hafa samband sem fyrst við Hermann Ottósson, hermann@utflutningsrad.is, sími 511 4000.
