Árangursrík ferð sendinefndar til Barcelona
11. nóvember 2009
Útflutningsráð Íslands skipulagði í samvinnu við viðskiptaráð Barcelona, ferð viðskiptasendinefndar til Barcelona 4.-6. nóvember sl.
Þátttakendur voru ferðaþjónustufyrirtækin Iceland Travel og Mountaineers of Iceland, fisksölufyrirtækið Jón Ásbjörnsson hf. og hugbúnaðarfyrirtækin Maintsoft og Vista og áttu þau viðskiptafundi með fyrirtækjum frá Barcelona og nágrenni. Íslensku þátttakendurnir voru mjög ánægðir með viðbrögðin ytra og hversu opin þessi fyrirtæki eru fyrir viðskiptum við Ísland. Slík viðbrögð gefa tilefni til bjartsýni varðandi tækifæri fyrir íslensk fyrirtæki á þessum stóra evrópska markaði.
Sjá myndir frá ferðinni hér
